أخبار عاجلة

كلّنا ف ضهرك يا

اشترك لتصلك أهم الأخبار

كلنا ف ضهرك يا

ادخلى بصدرك ولا يهمّك أعادى

كلّنا ع الجبهه وبنهتف بلادى

كلّنا رصاص ف البنادق والأيادى

طلق طالع للسما ونازل بنصر

■■■

العساكر ورد بينبّت فى سينا

والنهار فى الضلمه طالع من إيدينا

والغنا ف وقت الحماس بيدبّ فينا

إحنا رمل الأرض وجمال الصحارى

والمحبّه ف قاعدة الناس فى العصارى

والدعاوى الطارحه فى الطين والقصارى

باختصار إحنا اللى جبنا النيل وجينا

■■■

يا أمل فى وشوش بيضحك للمغارب

القلوب الطاهره وقت الشدّه قارب

والدموع المخلصه فرحة محارب

راح هناك علشان يكون أحمد ومينا

■■■

يا وطن ومواطْنَة والواطى يقاضينا

لو وقفنا ف يوم فى وشّ اللى معادينا

أو رسمنا نهار على أوّل وادينا

أو شرب أعادينا يوم «كدرًا وطينا»

■■■

قولوا تحيا بلادنا فى وشوشهم وتحيا

مصر صوت الحق دايمًا بينا صاحية

واللى جاى من أى حتّه وأيّ ناحية

هيلاقيها بتبتسم وشّ وسارينة

■■■

يا انتظار الحقّ يرجع للغلابة

يا زمالة الدّوشمة والليل والرحابة

يا العيون الصاحية يا صُحْبة وصحابة

التراب المصرى قايد نور عنينا

■■■

حرب والموضوع ماهوش عايز محايدة

واللى نفسه يكيد ماهوش وقت المكايدة

لما ييجوا ولادنا بكروت المعايدة

يبقى عادت مصر بقلوبنا الرهينة

■■■

اجمدوا بسلاحها واتوضّوا بضحاها

واصمدوا والدنيا بتلفّ ف رحاها

مصر جاية وشايلة راس أشرس عداها

واللى يتجرّأ يقيس القوّة بينا

■■■

كلّنا ف ضهرك إذا نادى المنادى

ادخلى بصدرك ولا يهمّك أعادى

كلّنا رصاص ف البنادق والأيادى

طلق طالع للسما وشايل كتابها

شعر: سعيد شحاتة

المصرى اليوم

أضف تعليق

أحدث الاخبار

الصين تتجه لتخفيض الرسوم الجمركية على الواردات

الصين تتجه لتخفيض الرسوم الجمركية على الواردات

قريبا..التدخين الإلكتروني "بنكهة الفواكه" ممنوع بأميركا

قريبا..التدخين الإلكتروني "بنكهة الفواكه" ممنوع بأميركا

اكتشاف تمثال جديد لـ"أبو الهول" في أسوان جنوب مصر

اكتشاف تمثال جديد لـ"أبو الهول" في أسوان جنوب مصر

الفيفا: مصر في المركز 64 عالميًا والعاشر إفريقيا

الفيفا: مصر في المركز 64 عالميًا والعاشر إفريقيا

أرتيتا: لا يوجد هامش للخطأ في دوري الأبطال وإلا ستعاقب

أرتيتا: لا يوجد هامش للخطأ في دوري الأبطال وإلا ستعاقب

أنور قرقاش: الأعقل لطهرن أن تتجنب مرحلة العقوبات الأمريكية

أنور قرقاش: الأعقل لطهرن أن تتجنب مرحلة العقوبات الأمريكية

Huawei تطلق هواتف متفوقة

Huawei تطلق هواتف متفوقة

أبوظبي تحذر من التدخل الإيراني في سوريا

أبوظبي تحذر من التدخل الإيراني في سوريا

دفن صواريخ الحرب

دفن صواريخ الحرب

الزمالك يستدعى الأساسيين لمران اليوم استعدادًا لمواجهة المقاولون

الزمالك يستدعى الأساسيين لمران اليوم استعدادًا لمواجهة المقاولون

Zanobya Magazine